ಸಭೆಗೆ ಆಹ್ವಾನ ನೀಡಿದರೂ ಗೈರು ಹಾಜರಾದ ತಾಲೂಕಾಧ್ಯಕ್ಷ
*ಪಟ್ಟು ಬಿಡದ ಆಜೀವ ಸದಸ್ಯರು ಉತ್ತರ ನೀಡುವಂತೆ ಆಗ್ರಹ*
ಗಜೇಂದ್ರಗಡ : (Oct_24_2025)
ಗದಗ ಜಿಲ್ಲೆಯ ಗಜೇಂದ್ರಗಡ
ತಾಲೂಕಾ ಕನ್ನಡ ಸಾಹಿತ್ಯ ಪರಿಷತ್ ನಲ್ಲಿ ಕಾರ್ಯಕ್ರಮ ನಡೆಯುತ್ತಿಲ್ಲ. ಸಮ್ನೇಳನದ ಲೆಕ್ಕ ಕೊಟ್ಟಿಲ್ಲ. ಮತ್ತು ಸರ್ವಾಧಿಕಾರಿ ಧೋರಣೆ ಖಂಡಿಸಿ ಮೈಸೂರು ಮಠದಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ನ ಆ ಜೀವ ಸದಸ್ಯರ ಬಳಗದಿಂದ ಸಭೆ ನಡೆಯಿತು.
2021-22ನೇ ಸಾಲಿನಲ್ಲಿ ಹೊಸದಾಗಿ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧಿಕಾರ ಸ್ವೀಕರಿಸಿ ಶ್ರೀ ಅಮರೇಶ್ ಗಾಣಗೇರ್ ಅವರು ತಾಲೂಕಿನ ಜವಾಬ್ದಾರಿ ತಮ್ಮ ಹೆಗಲಿಗೆ ಹೊತ್ತುಕೊಂಡ ಬಳಿಕ ಕನ್ನಡ ಸಾಹಿತ್ಯ ಪರಿಷತ್ತಿನ ಚಟುವಟಿಕೆಗಳನ್ನು ನಡೆಸದೇ, ಗ್ರಾಮ, ಹೋಬಳಿ ಘಟಕಗಳನ್ನು ಕ್ರೀಯಾಶೀಲವಾಗಿ ಕಟ್ಟದೇ, ಇಡೀ ತಾಲೂಕಿನಲ್ಲಿ ಸಾಹಿತ್ಯದ ಚಟುವಟಿಕೆಗಳನ್ನು ನಿಷ್ಕ್ರಿಯಗೊಳಿಸಿ, ಯಾರನ್ನು ಕೂಡಾ ಆಹ್ವಾನಿಸದೇ ವಿಶ್ವಾಸಕ್ಕೆ ತೆಗೆದುಕೊಳ್ಳದೇ ಏಕಪಕ್ಷೀಯವಾಗಿ ನಡೆದುಕೊಳ್ಳುತ್ತಾ, ಹೆಸರಿಗೆ ಮಾತ್ರ ಕಸಾಪ ಅಧ್ಯಕ್ಷರು ಹಾಗೂ ಪದಾಧಿಕಾರಿಗಳ ಸಮಿತಿ ಅಂತಾ ಇದ್ದು. ಇಲ್ಲಿಯವರೆಗೆ ಹೇಳಿಕೊಳ್ಳುವಂತಾ ಯಾವುದೇ ಮಹತ್ವದ ಚಟುವಟಿಕೆ, ಕಾರ್ಯಕ್ರಮ ಆಯೋಜಿಸದೇ ತಮ್ಮ ಅಧಿಕಾರವನ್ನು ಸಂಪೂರ್ಣವಾಗಿ ನಿಭಾಯಿಸುವಲ್ಲಿ ವಿಫಲವಾಗಿದ್ದು, ಇಡೀ ಸಮಿತಿ ನಿಷ್ಕ್ರಿಯಗೊಂಡಿದೆ.
ಅಲ್ಲದೇ ಗದಗ ಜಿಲ್ಲೆಯ 10ನೇ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕಾಗಿ ಜನ ಸಮುದಾಯದ ಮಧ್ಯೆ ಹಣ ಸಂಗ್ರಹ ಮಾಡಿದ್ದು, ಇದುವರೆಗೂ ಅದರ ಲೆಕ್ಕಪತ್ರವನ್ನು ನೀಡಿರುವುದಿಲ್ಲ.. ಜೊತೆಗೆ ಗಜೇಂದ್ರಗಡ ತಾಲೂಕಿನ ಪ್ರಥಮ ಸಮ್ಮೇಳನ ಕಾಟಾಚಾರಕ್ಕೆ ಎಂಬಂತೆ ಮಾಡಿ ಮುಗಿಸಿ ಕೈ ತೊಳೆದುಕೊಂಡರು ಅದರ ಬಗ್ಗೆಯೂ ಲೆಕ್ಕವಿಲ್ಲ ಪತ್ರವಿಲ್ಲ ಎಂದು ಚರ್ಚಿಸಲಾಯಿತು.
ಅಲ್ಲಿಂದ ಇಲ್ಲಿಯವರೆಗೆ ಯಾವುದೇ ನಿರಂತರ ಕಾರ್ಯಕ್ರಮ ನಡೆಯದೇ, ಇಡೀ ಸಾಹಿತ್ಯ ವಲಯವನ್ನು ಕತ್ತಲೆಗೆ ದೂಡಿರುವುದು ಈ ಭಾಗದ ಸಾಹಿತ್ಯ ಪ್ರಿಯರಿಗೆ ಸಾಕಷ್ಟು ನೋವುಂಟು ಮಾಡಿರುತ್ತದೆ.
ಆಜೀವ ಸದಸ್ಯರೆಲ್ಲ ಸೇರಿ ಚರ್ಚೆ ನಡೆಸಿ ಈ ಕೆಳಕಂಡ ವಿಷಯಗಳಿಗೆ ಸಂಬಂಧಿಸಿದಂತೆ ಜಿಲ್ಲಾಧ್ಯಕ್ಷರು ಸ್ಪಷ್ಟೀಕರಣ ನೀಡುವಂತೆ ಚರ್ಚಿಸಲಾಯಿತು. ಹಾಗೂ ಸರ್ವಾಧಿಕಾರಿ ಧೋರಣೆಯ ಅಧ್ಯಕ್ಷರನ್ನು ಬದಲಾವಣೆ ಮಾಡಲು ಒತ್ತಾಯಿಸಿದರು.
*ಈ ಕೆಳಕಂಡ ವಿಷಯಗಳಿಗೆ ಜಿಲ್ಲಾಧ್ಯಕ್ಷರ ಸ್ಪಷ್ಟೀಕರಣಕ್ಕೆ ಒತ್ತಾಯ*
Post a Comment