Gajendragad : ಮೆಟ್ರೀಕ್ ನಂತರದ ವಸತಿ ನಿಲಯಕ್ಕೆ ಮೂಲಭೂತ ಸೌಕರ್ಯ ಕಲ್ಪಿಸಿ : ಚಂದ್ರು ರಾಠೋಡ್

ರೋಣ : (Nov_04_2025)

ಗದಗ ಜಿಲ್ಲೆಯ ರೋಣ ತಾಲೂಕಿನ ಸಮಾಜ ಕಲ್ಯಾಣ ಇಲಾಖೆ ವ್ಯಾಪ್ತಿಗೆ ಬರುವ ಡಾ ಬಿ ಆರ್ ಅಂಬೇಡ್ಕರ್ ಬಾಲಕರ ಮೆಟ್ರೀಕ್ ನಂತರದ ವಸತಿ ನಿಲಯದಲ್ಲಿ ಸುಮಾರು 120 ಸಂಖ್ಯಾಬಲವಿಲ್ಲದ ವಿದ್ಯಾರ್ಥಿಗಳ ವಸತಿ ನಿಲಯದಲ್ಲಿ ದಿನನಿತ್ಯ ಸುಮಾರು ನೂರು ಜನ ವಿದ್ಯಾರ್ಥಿಗಳು ಸೌಲಭ್ಯ ಪಡೆಯುತ್ತಿದ್ದಾರೆ. ಆದ್ರೆ, ಸರಿಯಾದ ಮೂಲಭೂತ ಸೌಕರ್ಯಗಳು ಇಲ್ಲ. ಸೋಪ್ ಕೀಟ್, ಹಾಸಿಗೆ, ಹೋದಿಕೆ, ನೀರು, ಆಟದ ಸಾಮಗ್ರಿಗಳು, ಸೌಚಾಲ ಸ್ವಚ್ಛತೆ, ಗ್ರಂಥಾಲಯ ಪುಸ್ತಕ , ಬಿಲ್ಡಿಂಗ್ ಸೋರಿಕೆ ತಡೆಗಟ್ಟಲು, ಮೂಲಭೂತ ಸೌಕರ್ಯಗಳನ್ನು ಕಲ್ಪಿಸಲು ಆಗ್ರಹಿಸಿ, ಭಾರತ ವಿದ್ಯಾರ್ಥಿ ಫೆಡರೇಷನ್ ಎಸ್ ಎಫ್ ಐ ಗದಗ ಜಿಲ್ಲಾ ಸಮಿತಿ ನೇತೃತ್ವದಲ್ಲಿ ಹೋರಾಟ ಹಮ್ಮಿಕೊಂಡಿತ್ತು.

ಈ ಸಂದರ್ಭದಲ್ಲಿ ಎಸ್ ಎಫ್ ಐ ಗದಗ ಜಿಲ್ಲಾ ಅಧ್ಯಕ್ಷ ಚಂದ್ರು ರಾಠೋಡ ಮಾತನಾಡಿ, ಶೈಕ್ಷಣಿಕ ವರ್ಷ ಆರಂಭವಾಗಿ ಸುಮಾರು ಆರು ತಿಂಗಳು ಗತಿಸಿದರೂ, ಹಾಸ್ಟೆಲ್ ವಿದ್ಯಾರ್ಥಿಗಳಿಗೆ ಕನಿಷ್ಠ ಮೂಲಭೂತ ಸೌಕರ್ಯ ಸಿಗದೇ ಇರುವುದು ಖೇದಕರ. ರೋಣ ಶಾಸಕರು ಸ್ಥಳೀಯರು ಆದ ಜಿ ಎಸ್ ಪಾಟೀಲ್ ಅವರಿಗೆ ಗ್ರಾಮೀಣ ಭಾಗದಿಂದ ಬಂದ ಹಾಸ್ಟೆಲ್ ವಿದ್ಯಾರ್ಥಿಗಳ ಸಮಸ್ಯೆಗಳ ಕೂಗು ಕೇಳಲಿಲ್ಲ ಅನಿಸುತ್ತದೆ. ಆದ್ರೆ, ಎಸ್ ಎಫ್ ಐ ಸಂಘಟನೆ ಅವುಗಳನ್ನು ಖಂಡಿಸಿ, ವಿದ್ಯಾರ್ಥಿಗಳಿಗೆ ನ್ಯಾಯ ಒದಗಿಸುತ್ತದೆ. ಅದರ ಭಾಗವಾಗಿ ಸಮಸ್ಯೆಗಳನ್ನು ಆಗ್ರಹಿಸಿ, ಹಾಸ್ಟೆಲ್ ವಿದ್ಯಾರ್ಥಿಗಳು ಎಸ್ಎಫ್ಐ ನೇತೃತ್ವದಲ್ಲಿ ಹೋರಾಟ ಮಾಡಿದ್ದಾರೆ. ಸಂಬಂಧಪಟ್ಟ ಇಲಾಖೆಯ ಜಿಲ್ಲಾಧಿಕಾರಿಗಳು ಹಾಗೂ ತಾಲೂಕಾ ಅಧಿಕಾರಿಗಳು ವಸತಿ ನಿಲಯಕ್ಕೆ ಬಾಲಕರ ಮೆಟ್ರಿಕ್ ನಂತರದ ಡಾ. ಬಿ ಆರ್ ಅಂಬೇಡ್ಕರ್ ವಸತಿ ನಿಲಯದ ವಿದ್ಯಾರ್ಥಿಗಳಿಗೆ ಮೂಲಭೂತ ಸೌಕರ್ಯಗಳನ್ನು ಕೊಡಿಸಬೇಕೆಂದು, ಈ ಮೂಲಕ ಭಾರತ ವಿದ್ಯಾರ್ಥಿ ಫೆಡರೇಷನ್ ಎಸ್ಎಫ್ಐ ಗದಗ ಜಿಲ್ಲಾ ಸಮಿತಿ ಒತ್ತಾಯಿಸುತ್ತದೆ ಎಂದು ಹೇಳಿದರು .

ಹೋರಾಟ ಸ್ಥಳಕ್ಕೆ ಸಮಾಜ ಕಲ್ಯಾಣ ಇಲಾಖೆಯ ತಾಲೂಕ ಅಧಿಕಾರಿಗಳಾದ ಶ್ರೀಮತಿ ಗೀತಾ ಆಲೂರ್ ಮಧ್ಯೆ ಪ್ರವೇಶಿಸಿ, ಸಮಯದ ಅವಕಾಶ ಕೇಳಿದರು. ಅದನ್ನು ವಿದ್ಯಾರ್ಥಿಗಳು ತಿರಸ್ಕರಿಸಿದ್ದು, ಮತ್ತೆ ಮಧ್ಯ ಪ್ರವೇಶಿಸಿ, ತಕ್ಷಣಕ್ಕೆ ಕೆಲವು ಸಮಸ್ಯೆಗಳನ್ನು ಪರಿಹರಿಸಲು ಮುಂದಾದರು. ಸೋಪ್ ಕೀಟ್, ಹಾಸಿಗೆ ಹೋದಿಕೆ, ನೀರು ಶೌಚಾಲಯ ಸ್ವಚ್ಛತೆ, ಆಟದ ಸಾಮಗ್ರಿಗಳು, ಸ್ನಾನಕ್ಕೆ ಬಕೆಟ್ ಇವುಗಳನ್ನು ಕಲ್ಪಿಸಿದರು, ಹಾಗೂ ಇನ್ನೂ ಕೆಲವು ಬೇಡಿಕೆಗಳಾದ ಕಟ್ಟಡ ಸೋರಿಕೆ, ಕೀಟಕಿ ರೀಪೇರಿ, ಸೋಳ್ಳೇ ಪರದೆ, ಕಂಪ್ಯೂಟರ್ ಲ್ಯಾಬ್ ಇವುಗಳನ್ನು ಒಂದು ತಿಂಗಳ ಅವಧಿಯಲ್ಲಿ ಸರಿಪಡಿಸಲು ಮುಂದಾಗುತ್ತೆವೆಂದು ಲಿಖಿತ ರೂಪದಲ್ಲಿ ಭರವಸೆ ನೀಡಿದರು.

ಈ ಸಂದರ್ಭದಲ್ಲಿ ಎಸ್ಎಫ್ಐ ಗದಗ ಜಿಲ್ಲಾ ಅಧ್ಯಕ್ಷರಾದ ಚಂದ್ರು ರಾಠೋಡ್, ಸಮಾಜ ಕಲ್ಯಾಣ ಇಲಾಖೆಯ ತಾಲೂಕ ಅಧಿಕಾರಿಗಳಾದ ಶ್ರೀಮತಿ ಗೀತಾ ಆಲೂರ್, ಮೇಲ್ವಿಚಾರಕರಾದ ಅಲಿ ನದಾಫ್, ಹಾಗೂ ಗಜೇಂದ್ರಗಡ ಎಸ್ಎಫ್ಐ ತಾಲೂಕ ಅಧ್ಯಕ್ಷರಾದ ಅನಿಲ್ ಆರ್, ಹಾಸ್ಟೆಲ್ ಉಪ ಸಮಿತಿಯ ಸಹ ಸಂಚಾಲಕ ಶರಣು ಮಾಟರಂಗಿ, ಹಾಗೂ ದುರಗಪ್ಪ ಮಾದರ್, ಸುನೀಲ್ ರಾಠೋಡ್. ಪರಶುರಾಮ ಲಮಾಣಿ, ಹನುಮಂತಪ್ಪ ನೆಲ್ಲೂರ್, ಸಂಗಪ್ಪ ಮಾದರ್, ಮಾಂತೇಶ್ ದ್ಯಾಮಣ್ಣವರ್, ರಾಜೇಶ ಮಾದರ್, ದರ್ಶನ್ ಚಲವಾದಿ, ಗಂಗಾಧರ್ ಲಮಾಣಿ, ಹಾಸ್ಟೆಲನ ನೂರಾರು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.