Gajendragad : ವಿದ್ಯಾರ್ಥಿಗಳು ಅಸ್ವಸ್ಥರಾದ್ರೂ ಕ್ಯಾರೆ ಎನ್ನದ ತಾಲೂಕಾಧಿಕಾರಿಗಳು, ಜಿಲ್ಲೆಯ ಅಧಿಕಾರಿಗಳು

ಗಜೇಂದ್ರಗಡ : ( Nov_17_2025)

ಸುದ್ದಿ ಏನ್ ಬಿಡ್ರಿ ಆಗ್ತವೆ ಅಂತಾ ಅಲ್ಪ ಸಂಖ್ಯಾತರ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯದ ವಾರ್ಡನ್ ಮಾತನಾಡಿದ ಪರಿ... ಗದಗ ಜಿಲ್ಲೆಯ ಗಜೇಂದ್ರಗಡ ತಾಲೂಕಿನ ಅಲ್ಪಸಂಖ್ಯಾತ ರ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯದಲ್ಲಿ ವಿದ್ಯಾರ್ಥಿಗಳು ಮೂಲಭೂತ ಸೌಲಭ್ಯಕ್ಕಾಗಿ ಹೋರಾಟ ನಡೆಸಿದರು. ಈ ವೇಳೆ, ವಿದ್ಯಾರ್ಥಿಗಳ ಸಮಸ್ಯೆ ಬಗ್ಗೆ ಮಾತನಾಡಲು ಕರೆ ಮಾಡಿದಾಗ ವಾರ್ಡನ್ ಶಿವಪ್ಪ ಎಂಬುವವರು ಮಾತನಾಡಿದ ಪರಿ... ಇವರಿಗೆ ಯಾರೊಂದಿಗೆ ಹೇಗೆ ಮಾತನಾಡಬೇಕು ಎಂಬುದೆ ತಿಳಿದಿಲ್ಲ. ಅವರನ್ನ ಮಾತನಾಡುವದನ್ನು ಕಲಿಸುವ ಅಗತ್ಯವಿದೆ.

ವಿದ್ಯಾರ್ಥಿಗಳ ಹೋರಾಟದ ಬಗ್ಗೆ ಮಾಹಿತಿ ಸರಿಯಾಗಿ ಕೊಡದ ಅಧಿಕಾರಿಗಳು ವಿದ್ಯಾರ್ಥಿಗಳು ಅನಾರೋಗ್ಯದಿಂದ ಬಳಲುತ್ತಿದ್ದರೂ, ನಾಳೆಗೆ ಬಂದು ನಾವು ಸಮಸ್ಯೆ ಬಗೆಹರಿಸುತ್ತೇವೆ ಅಂತಾ ಹೇಳಿದಿವಿ ಎಂದು ಹಾರಿಕೆ ಉತ್ತರ ನೀಡಿದ್ದಾರೆ. ಇನ್ನೂ, ಜಿಲ್ಲೆಯಾದ್ಯಂತ ಮೆಟ್ರಿಕ್ ನಂತರದ ಒಟ್ಟು 10 ಹಾಸ್ಟೆಲ್ ಗಳಿವೆ. ಈ ಎಲ್ಲ ಹಾಸ್ಟೆಲ್ ಗಳ ಪರಿಸ್ಥಿತಿ ಶೋಚನೀಯವಾಗಿದೆ. ಮೂಲಭೂತ ಸೌಲಭ್ಯಗಳಿಲ್ಲ. ಸರ್ಕಾರ ಹಾಸ್ಟೆಲ್ ಗಳ ಸಂಖ್ಯೆ ಹೆಚ್ಚಿಸಿದ್ದು ಸರಿ ಇದೆ. ಆದ್ರೆ, ಸರಿಯಾದ ವ್ಯವಸ್ಥೆ ಇಲ್ಲದೇ ಕಂಗಾಲಾಗಿದ್ದಾರೆ. ಎರಡು ದಿನಗಳಿಂದ ವಿದ್ಯಾರ್ಥಿಗಳು ಅನಾರೋಗ್ಯದಿಂದ ಬಳಲುತ್ತಿದ್ರು, ಡಿಒ ( District Officer ) ಅಮಿತ್ ಬೀದರಿ ಸ್ಥಳಕ್ಕೆ ಆಗಮಿಸಿ, ಸಮಸ್ಯೆ ಬಗೆ ಹರಿಸದೇ ಹೋಗಿದ್ದು ಹಾಸ್ಯಾಸ್ಪದ ವಾಗಿದೆ.

ಕುಡಿಯುವ ನೀರಿನ ಸಮಸ್ಯೆ, ಕಳಪೆ ಗುಣಮಟ್ಟದ ಆಹಾರ, ಸ್ವಚ್ಛತೆ, ಲೈಬ್ರರಿ ಇಲ್ಲ. ಆಟದ ಸಾಮಗ್ರಿಗಳಿಲ್ಲ ಸಲಹಾ ಪೆಟ್ಟಿಗೆ ಗಳಿಲ್ಲ. ಸೆಕ್ಯುರಿಟಿ ಇಲ್ಲ. ಕಿಟಕಿ ಗಾಜುಗಳಿಲ್ಲ. ಹೀಗೆ ಸಾಲು ಸಾಲು ಸಮಸ್ಯೆಗಳಿದ್ದರೂ, ಸ್ಪಂದನೆ ಇಲ್ಲ. ಸ್ಪಂದಿಸುತ್ತೇವೆ ಎಂದು ಹೇಳಿ ಈಗ ಹಾರಿಕೆ ಉತ್ತರ ನೀಡುತ್ತಿದ್ದಾರೆ.

ಹಾಸ್ಟೆಲ್ ವಾರ್ಡನ್ ಶಿವಪ್ಪ ಬೇಜವಾಬ್ದಾರಿಯ ಮನುಷ್ಯ. ಮೂಲತಃ ಅವರು ಮುಂಡರಗಿಯವರು. ನಾವು ಬೇರೆ ಸ್ಥಳದಲ್ಲಿದ್ದೇವೆ ಎನ್ನುತ್ತಾರೆ. ಹೀಗೆ ಗಜೇಂದ್ರಗಡ ಪಟ್ಟಣದ ಅಲ್ಪಸಂಖ್ಯಾತರ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯ ಅಕ್ಷರಶಃ Fish Market ನಂತೆಯೇ ಕಂಡು ಬರುತ್ತಿದೆ.

ವಿದ್ಯಾರ್ಥಿಗಳು ಅಸ್ವಸ್ಥರಾಗಿ, ಅವರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರಿದರೇ ಅದಕ್ಕೆ ಜವಾಬ್ದಾರರು ಯಾರು ಎಂಬ ಪ್ರಶ್ನೆಗೆ ಉತ್ತರವೇ ಇಲ್ಲ.

ಜಿಲ್ಲೆಯ ಅಧಿಕಾರಿಗಳೆ, ಹಾರಿಕೆ ಉತ್ತರ ನೀಡುತ್ತಿದ್ದಾರೆ. ಜಿಲ್ಲೆಯ ಜವಾಬ್ದಾರಿ ಹೊತ್ತ ಅಧಿಕಾರಿ ಬೇಜವಾಬ್ದಾರಿ ನಡೆಗೆ ವಿದ್ಯಾರ್ಥಿಗಳು ಕಂಗಾಲಾಗಿದ್ದಾರೆ.

ಕೃಷ್ಣ ರಾಠೋಡ್

ಸಂಪಾದಕರು

ಕಿರಾ ನ್ಯೂಸ್ ಕನ್ನಡ

ಸಂಪರ್ಕ : 8197474996