ಗಜೇಂದ್ರಗಡ : (Nov_02_2025)
ಗದಗ ಜಿಲ್ಲೆಯ ಗಜೇಂದ್ರಗಡ ಪಟ್ಟಣದಲ್ಲಿ ತುಳಸಿಪೂಜೆಯನ್ನ ಸಡಗರ ಸಂಭ್ರಮದಿಂದ ಆಚರಿಸಲಾಯ್ತು. ತುಳಸಿ ಪೂಜೆಯನ್ನು ತುಳಸಿ ಹಬ್ಬವೆಂದೂ ಆಚರಿಸಲಾಗುತ್ತದೆ. ತುಳಸಿ ಪೂಜೆಯು ಹಿಂದೂ ಧರ್ಮದ ಅತ್ಯಂತ ಪೂಜನೀಯ ಹಬ್ಬವಾಗಿದೆ. ತುಳಸಿ ಗಿಡವನ್ನು ಲಕ್ಷ್ಮಿ ದೇವಿಯ ರೂಪವೆಂದು ಪರಿಗಣಿಸಲಾಗುತ್ತದೆ. ಮತ್ತು ತುಳಸಿ ಪೂಜೆಯ ದಿನದಂದು ವಿಷ್ಣುವಿನ ರೂಪವಾದ ಸಾಲಿಗ್ರಾಮದೊಂದಿಗೆ ತುಳಸಿಗೆ ವಿವಾಹವನ್ನು ಮಾಡಿಸುವ ಸಂಪ್ರದಾಯವಿದೆ.
ಚಾತುರ್ಮಾಸದ 4 ತಿಂಗಳುಗಳ ಅವಧಿಯಲ್ಲಿ ಶುಭ ಸಮಾರಂಭಗಳನ್ನು ನಿಷೇಧಿಸಲಾಗಿದ್ದು, ತುಳಸಿ ಪೂಜೆಯ ದಿನದಂದು ಈ ಚಾತುರ್ಮಾಸ ಮುಕ್ತಾಯಗೊಂಡು ಮತ್ತೆ ಶುಭ ಸಮಾರಂಭಗಳು ಆರಂಭವಾಗುವುದು. ಸಾಂಕೇತಿಕ ರೂಪವಾದ ಸಾಲಿಗ್ರಾಮದೊಂದಿಗೆ, ತುಳಸಿಗೆ ಮದುವೆಯನ್ನು ಮಾಡಿಸಲಾಗುವುದು.
ಈ ಆಚರಣೆಯನ್ನು ನಂಬಿಕೆಯೊಂದಿಗೆ ನಡೆಸುವುದು ಕುಟುಂಬ ಜೀವನದಲ್ಲಿ ಶಾಂತಿ, ಸಮೃದ್ಧಿ ಮತ್ತು ಸಾಮರಸ್ಯವನ್ನು ತರುತ್ತದೆ.
Post a Comment