Gajendragad : ಗಜೇಂದ್ರಗಡ ಪುರಸಭೆಗೆ ಆಡಳಿತಾಧಿಕಾರಿ ನೇಮಕ

ಅವಧಿ ಮುಕ್ತಾಯದ ಬೆನ್ನಲ್ಲೇ ಆಡಳಿತಾಧಿಕಾರಿ ನೇಮಕ

ಗಜೇಂದ್ರಗಡ: ( Nov_07_2025)

ಸ್ಥಳೀಯ ಪುರಸಭೆ ಆಡಳಿತದ ಅಧಿಕಾರ ಅವಧಿ ಮುಕ್ತಾಯವಾದ ಬೆನ್ನಲ್ಲೇ ಇದೀಗ ರಾಜ್ಯ ಸರ್ಕಾರ ಅವಧಿ ಮುಕ್ತಾಯಗೊಂಡ ಎಲ್ಲ ಪುರಸಭೆ, ಪಟ್ಟಣಪಂಚಾಯತ, ನಗರಸಭೆ ಗಳಿಗೆ ಆಡಳಿತಾಧಿಕಾರಿ ಗಳನ್ನು ನೇಮಕ ಮಾಡಿ ಆದೇಶ ಹೊರಡಿಸಿದೆ.

ಅದೇ ರೀತಿ ಗಜೇಂದ್ರಗಡ ಪುರಸಭೆಯ ಆಡಳಿತವು ದಿನಾಂಕ 05-11-2025 ರಂದು ಮುಕ್ತಾಯಗೊಂಡಿದ್ದು ಮೀಸಲಾತಿ ಪಟ್ಟಿ ವಿಳಂಬದಿಂದಾಗಿ ಸುದೀರ್ಘ 7 ವರ್ಷ ೨ ತಿಂಗಳ ಕಾಲ ಸ್ಥಳೀಯ ಪುರಸಭೆ ಸದಸ್ಯರು ಅಧಿಕಾರ ನಡೆಸಿದರು.

ಇದೀಗ ನವೆಂಬರ್ 05 ರಂದು ಅಧಿಕಾರ ಮುಗಿದಿದ್ದು ಕರ್ನಾಟಕ ಪುರಸಭೆ ಕಾಯ್ದೆ 1964 ಕಲಂ 389 ರಡಿಯಲ್ಲಿ ಪ್ರದಪತ್ತವಾದ ಅಧಿಕಾರವನ್ನು ಚಲಾಯಿಸಿ ಅವಧಿ ಮುಕ್ತಾಯಗೊಂಡ ಪುರಸಭೆ, ನಗರಸಭೆ, ಪಟ್ಟಣಪಂಚಾಯತಗಳಿಗೆ ಆಡಳಿತಾಧಿಕಾರಿಗಳನ್ನು ನಗರಾಭಿವೃದ್ಧಿ ಇಲಾಖೆ ಅಧೀನ ಕಾರ್ಯದರ್ಶಿ ಟಿ ಮಂಜುನಾಥ ನೇಮಕ ಮಾಡಿ ಆದೇಶ ಹೊರಡಿಸಿದ್ದು ಗಜೇಂದ್ರಗಡ ಪುರಸಭೆಗೆ ಗದಗ ಉಪವಿಭಾಗಧಿಕಾರಿಗಳನ್ನು ಆಡಳಿತಾಧಿಕಾರಿ ಅಂತಾ ನೇಮಕ ಮಾಡಿ ಆದೇಶ ಹೊರಡಿಸಿದೆ.

ಆದರೆ ಇದೀಗ ಸರ್ಕಾರ ಸ್ಥಳೀಯ ಪುರಸಭೆಗೆ ಆಡಳಿತಾಧಿಕಾರಿ ನೇಮಕ ಮಾಡಿದ್ದು ಕುತೂಹಲ ಮೂಡಿಸಿದೆ..