ರಾಜ್ಯ ನಿರಾತಂಕವಾಗಿರಲು ಪೊಲೀಸ್ ಇಲಾಖೆ ಮುಖ್ಯ ಕಾರಣ. ಎಂತಹ ಪರಿಸ್ಥಿತಿ ಬಂದರೂ ನಿಭಾಯಿಸುವ ಶಕ್ತಿ ನಮ್ಮ ಪೊಲೀಸ್ ಇಲಾಖೆಗೆ ಇದೆ. ಈಗ ಗದಗ ಜಿಲ್ಲಾ ಪೊಲೀಸ್ ಇಲಾಖೆಯ ಬಗ್ಗೆ ಹೇಳುವುದಾದ್ರೆ, ಸಾರ್ವಜನಿಕರಲ್ಲಿ ಎಲ್ಲೆಡೆ ಜಾಗೃತಿ ಮೂಡಿಸುತ್ತಿದ್ದಾರೆ. ಅದರಂತೆ ಗಜೇಂದ್ರಗಡ ಪಟ್ಟಣದಲ್ಲೂ ಪ್ರತಿ ಓಣಿಗೆ ತೆರಳಿ ಜಾಗೃತಿ ಮೂಡಿಸುತ್ತಿದ್ದಾರೆ. 23ನೇ ವಾರ್ಡ್ ನ ಜನತಾ ಪ್ಲಾಟ್ ನಲ್ಲಿನ ಜಿ.ಎಸ್ ನಗರದಲ್ಲಿ ಗಜೇಂದ್ರಗಡ ಪೊಲೀಸರು ಜಾಗೃತಿ ಮೂಡಿಸಿದರು. ಮನೆಯ ಸುರಕ್ಷತೆ, ಆಭರಣಗಳ ಸುರಕ್ಷತೆ, ಬ್ಯಾಗನಲ್ಲಿ ಸಾಮಗ್ರಿಳ ಸುರಕ್ಷತೆ, ಸಂಚರಿಸುವಾಗ ಕೈಗೊಳ್ಳಬೇಕಾದ ಕ್ರಮಗಳು ಮತ್ತು ತುರ್ತು ಪರಿಸ್ಥಿತಿ ಸಂಧರ್ಭದಲ್ಲಿ ಕರೆ ಮಾಡುವ ನಂಬರ್ ಹೀಗೆ ಹತ್ತಾರು ಮಾಹಿತಿಗಳನ್ನ ನೀಡಲಾಯ್ತು. ಗಜೇಂದ್ರಗಡ ವೇಗವಾಗಿ ಬೆಳೆಯುತ್ತಿದೆ. ಈಗ ಬರಗಾಲದಲ್ಲಿ ಅಲ್ಲಲ್ಲಿ ಕಳ್ಳತನದ ಸುದ್ದಿಗಳು ಕೇಳಿ ಬರುತ್ತಿವೆ. ಜೊತೆಗೆ ಶಾಲಾ, ಕಾಲೇಜು ಮಕ್ಕಳಿಗೆ‌ಬೇಸಿಗೆ ರಜೆ ಆರಂಭವಾಗುತ್ತಿದೆ. ರಜೆಗೆಂದು ತೆರಳುವಾಗ ಮನೆಯ ಸುರಕ್ಷತೆಗೆ ಕೈಗೊಳ್ಳುವ ಕ್ರಮಗಳನ್ನ ಎಳೆ ಎಳೆಯಾಗಿ ತಿಳಿಸಿದ್ರು.
Post a Comment