Gajendragad : ಸಮ್ಮೇಳನದ ನಂತರ ತಾಲೂಕಾ ಕಸಾಪ ಚಟುವಟಿಕೆಗಳಲ್ಲಿ ಕೊರತೆ : ಕಸಾಪ ಜಿಲ್ಲಾಧ್ಯಕ್ಷ ವಿವೇಕಾನಂದಗೌಡ ಪಾಟೀಲ್ ಅಭಿಮತ

ಗಜೇಂದ್ರಗಡ : (Oct_25_2025)

ನಿರಂತರ ಕಾರ್ಯಕ್ರಮ ಆಗ್ತಿಲ್ಲ. ಸಮ್ಮೇಳನ ಆದ ನಂತರ ಸ್ಥಗಿತವಾಗಿದೆ. ಇದು ನನಗೆ ಫೋನ್ ಮೂಲಕ ಬಂದ ಆಪಾದನೆ. ಮೌಖಿಕವಾಗಿ ಮಾಹಿತಿ ನೀಡಿದ್ದಾರೆ. ಇನ್ನೂ ಮುಂದೆ ನಿರಂತರವಾಗಿ ಕಸಾಪ ಚಟುವಟಿಕೆಗಳನ್ನು ಆಯೋಜಿಸಲು ತಾಲೂಕಾ ಅಧ್ಯಕ್ಷರಿಗೆ ತಿಳಿಸಿರುವುದಾಗಿ ಕಸಾಪ ಜಿಲ್ಲಾಧ್ಯಕ್ಷರಾದ ವಿವೇಕಾನಂದಗೌಡ ಪಾಟೀಲ್ ಕಿರಾ ನ್ಯೂಸ್ ಕನ್ನಡದೊಂದಿಗೆ ಮಾತ್ತನಾಡುತ್ತ ತಿಳಿಸಿದರು.

ಈಗ ಹೆಚ್ಚಿನ ಸಮಯಾವಕಾಶ ಇಲ್ಲ. ತಾಲೂಕಾಧ್ಯಕ್ಷರಾದ ಎ.ಪಿ ಗಾಣಗೇರ್ ಅವರ ಅವಧಿಯಲ್ಲಿ ಜಿಲ್ಲಾ ಹಾಗೂ ತಾಲೂಕಾ ಸಮ್ಮೇಳನ ಜರುಗಿವೆ. ಕೊರತೆಯನ್ನು ಸರಿಪಡಿಸುವ ಕೆಲಸ ಮಾಡೊಣ. ಎಲ್ಲರ ಸಹಕಾರದಿಂದ ಮಾತ್ರ ಸಾಧ್ಯ ಎಂದು ವಿವೇಕಾನಂದಗೌಡ ಪಾಟೀಲ್ ಹೇಳಿದರು.

ಅಕ್ಟೋಬರ್ 23 ರಂದು ಮೈಸೂರು ಮಠದಲ್ಲಿ ಆಯೋಜಿಸಿರುವ ಸಭೆಯ ಬಗ್ಗೆ ಕೇಳಿದಾಗ. ಅಹ್ವಾನಿಸಿದ್ದಾರೆ. ಆದ್ರೆ, ಕೆಲವು ಅಡೆತಡೆಗಳಿವೆ. ಹೀಗಾಗಿ ಬರಲಾಗಲ್ಲ. ಅಸಮಾಧಾನಗೊಂಡಿರುವ ಆಜೀವ ಸದಸ್ಯರು ಲಿಖಿತವಾಗಿ ಕೊಟ್ಟರೇ, ತಾಲೂಕಾಧ್ಯಕ್ಷರಿಗೂ ಲಿಖಿತವಾಗಿ ಸ್ಪಷ್ಟೀಕರಣ ಹೇಳುತ್ತೇವೆ ಎಂದು ನುಡಿದರು.

ಈ ಮೂಲಕ ಕನ್ನಡ ಸಾಹಿತ್ಯ ಜಿಲ್ಲಾಧ್ಯಕ್ಷರು ಕಾರ್ಯಕ್ರಮಗಳ ಆಯೋಜನೆಯಲ್ಲಿ ಆಗಿರುವ ಕೊರತೆಯನ್ನು ಒಪ್ಪಿಕೊಂಡಿದ್ದು, ಇಂದು ನಡೆಯುವ ಸಭೆ ಮತ್ತು ಇದೇ 25 ರಂದು ಕಸಾಪ ತಾಲೂಕಾಧ್ಯಕ್ಷರ ನೇತೃತ್ವದಲ್ಲಿ ಸಭೆ ನಡೆಯಲಿದೆ. ಆ ಸಭೆಯಲ್ಲಿ ಭಾಗವಹಿಸುವಂತೆ ಸಲಹೆ ನೀಡಿದರು.

ಭಿನ್ನಾಭಿಪ್ರಾಯ ಸಹಜ. ಎಲ್ಲರನ್ನೂ ಮನವೊಲಿಸಲಾಗದು. ಲೋಪಗಳನ್ನ ಸರಿಪಡಿಸಿ, ಮುನ್ನಡೆಯುವ ಕೆಲಸ ಕಾರ್ಯ ಮಾಡೋಣ. ನಿಮ್ಮ ಸಹಾಯ ಸಹಕಾರ ಸಹ ಇರಲಿ ಎಂದು ಮನವಿ ಮಾಡಿದರು.

ಈ ಮಧ್ಯೆ, ಇಂದೆ ಅಕ್ಟೋಬರ್ 23 ರಂದು ನಡೆಯಲಿರುವ ಆಜೀವ ಸದಸ್ಯರು ಹಮ್ಮಿಕೊಂಡುವ ಸಭೆಗೆ ಆಹ್ವಾನ ವಿದೆಯೇ ಎಂದು ತಾಲೂಕಾಧ್ಯಕ್ಷರಾದ ಎ.ಪಿ ಗಾಣಗೇರ್ ಅವರಿಗೆ ಪ್ರಶ್ನಿಸಿದ್ದಕ್ಕೆ ನಮಗೇನು ಕರೆದಿಲ್ಲ. ನಮಗೇನು ಮಾಹಿತಿ ಇಲ್ಲ ಎಂದು ಹೇಳಿದರು‌.

ಕೃಷ್ಣ ರಾಠೋಡ್

ಸಂಪಾದಕರು,

ಕಿರಾ ನ್ಯೂಸ್ ಕನ್ನಡ.

ಸಂಪರ್ಕ : 8197474996