ಗಜೇಂದ್ರಗಡ : (Oct_26_2025)
ಗದಗ ಜಿಲ್ಲೆಯ ಗಜೇಂದ್ರಗಡ ತಾಲೂಕಿನಲ್ಲಿ ಸಾಹಿತ್ಯ ಪರಿಷತ್ ಅಕ್ಷರಶಃ ರಾಜಕೀಯವಾಗಿತ್ತು. ಇನ್ನೇನು ಎಲೆಕ್ಷನ್ ಮುಂದಿದೆ. ಈಗ ಕೆಲಸ ಮಾಡುವ ಸಮಯ ಸನ್ನಿಹಿತವಾಗಿದೆ ಎಂದು ರಾಜಕೀಯ ಮುಖಂಡರು ಹೇಳುವ ಹಾಗೆ ಇತ್ತು. ಇಷ್ಟು ದಿನ active ಇರಲಿಲ್ಲ. ಈಗ active ಆಗ್ತಿವಿ. ನಮಗೆ active ಮಾಡಿದ್ದಾರೆ ಎನ್ನುವ ಮಾತುಗಳನ್ನ ತಾಲೂಕಾಧ್ಯಕ್ಷರೇ ಸ್ವತಃ ಹೇಳಿದ್ದಾರೆ.
ಶನಿವಾರ ಅಕ್ಟೋಬರ್ 25 ರಂದು ಮೈಸೂರು ಮಠದಲ್ಲಿ ಸಭೆ ಕರೆಯಲಾಗಿತ್ತು. ಸಭೆಯಲ್ಲಿ ಕನ್ನಡ ರಾಜ್ಯೋತ್ಸವ ಆಚರಣೆ ಬಗ್ಗೆ ಮತ್ತು ಅಧ್ಯಕ್ಷರ ಅಪ್ಪಿಗೆ ಮೇರೆಗೆ ಬರುವ ವಿಷಯಗಳು ಎಂದು ಚರ್ಚೆ ನಡೆಸಿದರು.
ಬಂಡಾಯ ಆಜೀವ ಸದಸ್ಯರು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಿದರು. ಲೆಕ್ಕವನ್ನು ಒಪ್ಪಿದರು. ಆದರೇ, ಅದು ಝರಾಕ್ಸ್ ಪ್ರತಿಯಾಗಿತ್ತು ಎಂಬುದು ಮತ್ತೊಂದು ವಿಶೇಷ. ಜಿಲ್ಲಾಧ್ಯಕ್ಷರ ಸಹಿಗಳಿಲ್ಲ. ಸ್ಟ್ಯಾಂಪ್ ("Sign & Seal") ಇಲ್ಲ ಎಂಬುದನ್ನ ಯಾರು ಗಮನಿಸಲಿಲ್ಲ. ರೇಷನ್ ತರುವಾಗ ಕೊಡುವ ಒಂದು ಚೀಟಿಯಂತಿತ್ತು ಎಂಬುದು ಗಮನಿಸಬೇಕಾದ ಸಂಗತಿ. ಮಾಧ್ಯಮಗಳಿಗೆ ವರದಿಯ ಪ್ರತಿ ಕೊಡಲಿಲ್ಲ. ಹೀಗೆ ಹತ್ತಾರು ಲೋಪಗಳಿಂದ ಕೂಡಿತ್ತು ಕಸಾಪ ಸಭೆ.
ಕೆಲ ಆಜೀವ ಸದಸ್ಯರು ನಾಲ್ಕು ವರ್ಷ ಕಳೆಯುತ್ತಾ ಬಂದರೂ, ಜಿಲ್ಲಾ ಸಮ್ಮೇಳನವಾಗಿ 8 ತಿಂಗಳೂ ಕಳೆದರೂ, ಯಾಕೆ ಸುಮ್ಮನಿದ್ದರು ಎಂಬ ಪ್ರಶ್ನೆಯೂ ಕಾಡತೊಡಗಿದೆ. ಎಲೆಕ್ಷನ್ ಗೆ ಒಂದು ವರ್ಷ ಇರುವಾಗ ಈಗ ಚರ್ಚಾ ವಿಷಯವಾಗಿದೆ.
ಯಾವುದೋ WhatsApp ಗ್ರೂಪ್ ನಿಂದ ತೆಗೆದು ಹಾಕಿದ ವಿಷಯಗಳು ಸಾಹಿತ್ಯ ಪರಿಷತ್ ಪೂರ್ವ ಭಾವಿ ಸಭೆಯಲ್ಲಿ ಚರ್ಚೆಯಾದಂತಹ ವಿಷಯಗಳಾಗಿವೆ.
23 ರಂದು ಸಭೆಯಲ್ಲಿ 3 ಲಕ್ಷ ಹಣ ಎಪಿಎಂಸಿಯ ಒಂದು ಮಳಿಗೆಯಿಂದ ಕೊಡಿಸಿದ್ದೇವೆ ಎಂದವರೇ, ರಾಜ್ಯೋತ್ಸವ ಆಚರಣೆಗೆ 5 ಸಾವಿರ ರೂಪಾಯಿ ದೇಣಿಗೆಯನ್ನ ನೀಡಿದ್ದಾರೆ ಎಂಬುದು ಗಮನಿಸಬೇಕಾದ ವಿಷಯ.
ಯಾವ ಪ್ರಶ್ನೆಗೆ ಯಾರೂ ಗಂಭೀರವಾಗಿ ಉತ್ತರಿಸಲಿಲ್ಲ. ತಮ್ಮ ತಮ್ಮ ವೈಯಕ್ತಿಕ ಹಿತಾಸಕ್ತಿಗೆ ಬಳಸಿಕೊಳ್ಳುತ್ತಿರುವುದು ಕಂಡು ಬಂತು.
ಅಧ್ಯಕ್ಷರು ನಾನು ಎಲ್ಲ ಕೆಲಸ ಮಾಡಲಾಗುವುದಿಲ್ಲ ಎಂದು ಬಹಿರಂಗವಾಗಿ ಹೇಳಿದರು. ಮನೆಯ ಜವಾಬ್ದಾರಿ ಹೊತ್ತವರಿಗೆ ಸರಿ ತಪ್ಪುಗಳನ್ನ ಕೇಳುವ ಅಧಿಕಾರ ವಿಲ್ಲ. ನಾನಿರೋದು ಹೀಗೆ ಎಂದು ಹೇಳಿದಂತಿತ್ತು.
ಹಿರಿಯರಾದ ಕೆಂಚರೆಡ್ಡಿ ಗುರುಗಳು ಸಹ ತಪ್ಪಾಗಿದೆ ಸರಿಪಡಿಸಿಕೊಳ್ಳುತ್ತಾರೆ ಎಂದು ಹೇಳದಿರುವುದು ವಿಪರ್ಯಾಸ.
ಹೀಗೆ ಗಜೇಂದ್ರಗಡ ತಾಲೂಕಿನಲ್ಲಿ ಕಸಾಪ ತನ್ನ ಘನತೆ ಗಾಂಭೀರ್ಯತೆಯನ್ನ ಕಳೆದುಕೊಳ್ಳುತ್ತಿದ್ದು, ಇದೆಲ್ಲದಕ್ಕೆ ಮುಂಬರುವ ಚುನಾವಣೆಯಲ್ಲಾದರೂ ಉತ್ತರ ಸಿಗಲಿದೆಯಾ ಕಾದು ನೋಡಬೇಕಿದೆ.
ಹಾಲಿ ತಾಲೂಕಾಧ್ಯಕ್ಷರು retirement ಬಳಿಕ ರಾಜಕೀಯದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಲು ವೇದಿಕೆ ಸಿದ್ದಮಾಡಿಕೊಳ್ಳುತ್ತಿದ್ದಾರೆಯೇ ಎಂದು ಸಹ ಸಭೆಯ ಬಳಿಕ ಸಾರ್ವಜನಿಕರು ತಮ್ಮ ತಮ್ಮ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ.
ಕೃಷ್ಣ ರಾಠೋಡ್
ಸಂಪಾದಕರು,
ಕಿರಾ ನ್ಯೂಸ್ ಕನ್ನಡ
ಸಂಪರ್ಕ : 8197474996
Post a Comment