ಗಜೇಂದ್ರಗಡ : (Nov_01_2025)
ರಾಜ್ಯಾದ್ಯಂತ ಕನ್ನಡ ರಾಜ್ಯೋತ್ಸವದ ಹಬ್ಬವನ್ನ ಕನ್ನಡಿಗರ ಆಚರಿಸುತ್ತಿದ್ದರೇ, ಪಟ್ಟಣದಲ್ಲಿ ರಾಷ್ಟ್ರೀಕೃತ ಬ್ಯಾಂಕುಗಳು ಕನ್ನಡ ರಾಜ್ಯೋತ್ಸವವನ್ನ ಮರೆತಿವೆ.
ಹಲವಾರು ದಶಕಗಳಿಂದ ಪಟ್ಟಣದಲ್ಲಿ ಸಾರ್ವಜನಿಕರ ಸೇವೆಗೆ ಬ್ಯಾಂಕುಗಳು ತಲೆ ಎತ್ತಿವೆ. ಆದ್ರೆ, ರಾಷ್ಟ್ರೀಕೃತ ಬ್ಯಾಂಕಗಳು ಆಗಿರುವುದರಿಂದ ಇಲ್ಲಿ ಬಹುತೇಕ ಹಿಂದಿ ಭಾಷಿಕರೇ ಹೆಚ್ಚಾಗಿದ್ದಾರೆ. ಹೀಗೆ ಹಿಂದಿ ಭಾಷಿಕರಿಂದ ಕೂಡಿದ ಬ್ಯಾಂಕಗಳು ಗ್ರಾಹಕರಿಗೆ ಕನ್ನಡದಲ್ಲಿ ವ್ಯವಹರಿಸದೇ, ಇರುವುದು ಒಂದೆಡೆಯಾದ್ರೆ, ರಾಜ್ಯೋತ್ಸವಕ್ಕೆ ಕವಡೆ ಕಾಸಿನ ಕಿಮ್ಮತ್ತಿಲ್ಲ. ಕೇಳಿದ್ರೆ, ನಮಗೆ ಇರುವುದು ಕೇವಲ ಆಗಸ್ಟ್ 15 ಸ್ವಾತಂತ್ರ್ಯೊತ್ಸವ ಮತ್ತು ಜನವರಿ 26 ರ ಗಣರಾಜ್ಯೋತ್ಸವಕ್ಕೆ ಮಾತ್ರ ಸುತ್ತೊಲೆ ಇದೆ ಎಂಬ ಸಬೂಬು ಹೇಳುತ್ತಲೇ ಬಂದಿದ್ದಾರೆ.
ಇದೆಲ್ಲದರ ನಡುವೆ 70ನೇ ಕನ್ನಡ ರಾಜ್ಯೋತ್ಸವಕ್ಕೆ ಗಜೇಂದ್ರಗಡದಲ್ಲಿರುವ ಎಲ್ಲ ರಾಷ್ಟ್ರೀಕೃತ ಬ್ಯಾಂಕ್ ಗಳು ಅವಮಾನ ಮಾಡಿವೆ. ಕನ್ನಡಾಂಬೆಯ ಒಂದು ಫೋಟೋ ಇಟ್ಟು ನಮಿಸುವುದು ತೊಂದರೆಯಾದ್ರೆ, ಸ್ಥಳೀಯ ಭಾಷೆಗೆ ಆದ್ಯತೆ ನೀಡದ ಬ್ಯಾಂಕಗಳಲ್ಲಿ ಅನ್ಯ ಭಾಷಿಕರಿಗೆ ಅವಕಾಶ ನೀಡಬಾರದು. ಇಲ್ಲಿನ ಗಾಳಿ, ನೀರು, ಉದ್ಯೋಗ ಬೇಕು. ಆದ್ರೆ, ಇವರಿಗೆ ಸ್ಥಳೀಯ ಭಾಷೆ, ಆಚರಣೆ ಬೇಡ ಎಂದರೇ ಯಾವ ಅರ್ಥ. ಸ್ವಾತಂತ್ರ್ಯ ಪೂರ್ವದಿಂದಲೂ ದಕ್ಷಿಣ ಭಾರತದಲ್ಲಿ ಹಿಂದಿ ಹೇರಿಕೆ ನಡೆಯುತ್ತಲೇ ಇದೆ. ಈಗ ನಾವು ವಿರೋಧಿಸದಿದ್ದಲ್ಲಿ ಮುಂಬರುವ ದಿನಗಳಲ್ಲಿ ಕನ್ನಡ ರಾಜ್ಯೋತ್ಸವವನ್ನೆ ಮರೆಮಾಚುವ ದಿನಗಳು ದೂರವಿಲ್ಲ...
ಈ ಬಗ್ಗೆ ಕನ್ನಡಪರ ಸಂಘಟನೆಗಳು, ಕನ್ನಡಾಭಿಮಾನಿಗಳು, ಕನ್ನಡಿಗರು ಬೀದಿಗಿಳಿದು ಹೋರಾಟ ನಡೆಸುವ ಅಗತ್ಯ ವಿದೆ.
ಸೊಸೈಟಿ, ಫೈನಾನ್ಸ್, ಖಾಸಗಿ ವಲಯದ ಬ್ಯಾಂಕುಗಳಿಗೂ ರಾಜ್ಯೋತ್ಸವ ಆಚರಿಸದೇ ಇರುವುದು ವಿಪರ್ಯಾಸ.
ಕೃಷ್ಣ ರಾಠೋಡ್
ಸಂಪಾದಕರು
ಕಿರಾ ನ್ಯೂಸ್ ಕನ್ನಡ
ಸಂಪರ್ಕ : 8197474996
Post a Comment